महाराष्ट्र विधानसभा निवडणुकीपूर्वी भाजपमधून मनसेत मोठा प्रवेश झाला. भाजप नेत्या आणि माजी आमदार तृप्ती सावंत यांनी राज ठाकरे यांच्या नेतृत्वाखालील महाराष्ट्र नवनिर्माण सेना (मनसे) पक्षात प्रवेश केला आहे. मनसेमध्ये प्रवेश घेताच राज ठाकरे यांनी त्यांना वांद्रा पूर्व येथून निवडणुकीत उमेदवारी दिली आहे. मात्र वांद्र्यात मोठी सेटलमेंट झाल्याचा गौप्यस्फोट समोर आला आहे. मनसे नेते अखिल चित्रे यांनी माझ्या राजसाहेबांना फसवलं जात असल्याचा आरोप केला असून मोठा खुलासा केला आहे.