Maharashtra Vidhan Sabha Election: विधानसभा निवडणुकीच्या प्रचाराच्या तोफा आता थंडावल्या आहेत. तत्पूर्वी उपमुख्यमंत्री अजित पवार यांची सांगता सभा बारामतीत पार पडली. या सभेत अजित पवार यांच्या आईनं लिहिलेलं एक पत्र वाचून दाखवण्यात आलं. या पत्रातून अजित पवारांच्या आईनं मतदारांना अतिशय भावनिक आवाहन केलं. “माझ्या अजितवर अन्याय झाला आहे, आजही तो कुटुंबासाठी काही बोलत नाही”, असं या पत्रात त्यांनी म्हटलं आहे.
