BJP Maharashtra Vidhansabha: हरियानाच्या विजयानंतर आत्मविश्वास उंचावलेल्या भारतीय जनता पक्षाने (भाजप) आता महाराष्ट्रावर पूर्ण लक्ष केंद्रीत केले आहे. भाजपचे दिग्गज नेते आजपासून (ता. ८) विधानसभा निवडणुकीच्या प्रचारात उतरणार आहेत.
भाजपच्या प्रचाराची भिस्त पंतप्रधान नरेंद्र मोदी यांच्यावर असणार आहे. मोदींची राज्यातील पहिली प्रचारसभा धुळ्यात होत आहे. मोदींशिवाय गृहमंत्री अमित शहा, केंद्रीय मंत्री नितीन गडकरी, उपमुख्यमंत्री देवेंद्र फडणवीस, माजी मंत्री स्मृती इराणी, गोव्याचे मुख्यमंत्री प्रमोद सावंत, पुष्करसिंह धामी, मनोज तिवारी, पंकजा मुंडे हे नेते शुक्रवारी राज्यात प्रचाराचा धडाका लावणार आहेत.