नवी दिल्ली: काँग्रेसच्या केंद्रीय निवडणूक समितीच्या बैठकीत शुक्रवारी काँग्रेसच्या सर्वच उमेदवारांच्या नावावर शिक्कामोर्तब झाले असून काँग्रेसच्या वाट्याला जवळपास १०५ जागा येण्याची शक्यता आहे. काँग्रेसने गुरुवारी ४८ उमेदवारांची यादी जाहीर केली असून उर्वरित ५७ उमेदवारांची घोषणा शनिवारी होण्याची शक्यता आहे. महाविकास आघाडीमध्ये अद्यापही काही जागांवर एकमत होऊ न शकल्याने मैत्रीपूर्ण लढती होण्याची शक्यता आहे.