मुंबई (Mumbai) : महाराष्ट्रातील सत्ता स्थापनेच्या लढाईत आज (शनिवार) निकालाच्या दिवशी सध्यातरी सुरवातीच्या कलानुसार भाजपप्रणित महायुती सत्ता स्थापनेजवळ गेल्याचे दिसत आहे. सुरवातीच्या कलानुसार महायुती तब्बल २०० हून अधिक जागांवर आघाडीवर असल्याचे दिसत आहे. तर, काँग्रेसप्रणित महाविकास आघाडीची मोठी निराशा झाल्याचे पाहायला मिळत आहे. भाजप सर्वांत मोठा पक्ष होत असल्याचे दिसत आहे, सलग तिसऱ्या विधानसभा निवडणुकीत भाजपने १०० चा आकडा पार केला आहे.