माझ्या कार्यकर्त्यांना त्रास देणाऱ्यांचा मी बंदोबस्त करणार आहे. शरद पवार खूप मोठे नेतृत्व असून, ते माझे दैवत आहेत.
दहिवडी : छत्रपती शिवरायांचा आदर्श पुढे ठेवून जातीच्या पलीकडे जाऊन मी माणसं जोडली. त्यामुळे माण-खटावच्या जनतेचे मी अश्रू पुसायचे काम करेन. गेल्या पाच वर्षांत मिळवलेली संपत्ती म्हणजे माझे जिवाभावाचे कार्यकर्ते आहेत. जे काही न्यायाचे आहे, योग्य आहे, ते तुमच्यासोबत चर्चा करून ठरवेन. माझ्या शेवटच्या श्वासापर्यंत मी तुमच्यासोबत असेन, असा शब्द राष्ट्रवादी काँग्रेस शरदचंद्र पवार पक्षाचे नेते प्रभाकर देशमुख (Prabhakar Deshmukh) यांनी दिला.