''शरद पवार यांची भूमिका ही नेहमीच महाराष्ट्राच्या हिताची राहिली आहे. शेतकऱ्यांचे कैवारी म्हणून शरद पवार यांची भूमिका महत्त्वपूर्ण राहिली आहे.''
दहिवडी : राष्ट्रवादी काँग्रेस शरदचंद्र पवार पक्षाने प्रभाकर घार्गे यांना उमेदवारी देण्याचा शरद पवार (Sharad Pawar) यांनी जो निर्णय घेतला तो आमच्यासाठी अंतिम आदेश आहे. पवार यांनी सांगितल्याप्रमाणे प्रभाकर देशमुख असतील वा प्रभाकर घार्गे (Prabhakar Gharge) निवडणूक ही एकाच ताकदीने लढविण्यात येईल. घार्गे यांना आम्ही विजयी करणार असून, माण-खटावमध्ये परिवर्तन निश्चित होणार आहे, असा विश्वास राष्ट्रवादी काँग्रेस शरदचंद्र पवार पक्षाचे नेते प्रभाकर देशमुख (Prabhakar Deshmukh) यांनी येथे पत्रकार परिषदेत व्यक्त केला.