Maharashtra Assembly Election Result 2024: महाराष्ट्र विधानसभा निवडणुकीत महायुतीला बहुमत मिळाले असले तर काही ज्येष्ठ नेत्यांचा पराभव झाला आहे. काय झाडी का डोंगर या डायलाॅगमुळे राज्यात प्रसिद्ध झालेले शिवसेना शिंदे गटाचे सांगोल्याचे आमदार शहाजीबापू पाटील यांचा शेतकरी कामगार पक्षाच्या डाॅ. बाबासाहेब देशमुख या युवा नेत्याने पराभव केला. निवडणुक जिंकताच देशमुख यांनी एका अनोख्या स्तुत्य उपक्रमाची घोषणा केली आहे, त्यामुळे त्यांचे सर्वत्र कौतुक होत आहे.