Morshi Assembly Election: मोर्शी, ता. २२: विधानसभा सार्वत्रिक निवडणूक २०२४ ची घोषणा निवडणूक आयोगामार्फत करण्यात आली आहे. मोर्शी विधानसभा मतदारसंघामध्ये मोर्शी व वरुड तालुक्यातील शहरी व ग्रामीण मिळून एकूण ३११ मतदानकेंद्रांवर २० नोव्हेंबर ला मतदान होणार आहे. त्यासाठी १४९४ कर्मचाऱ्यांची नियुक्ती करण्यात आली आहे. मतदारसंघामध्ये १ लाख ४८ हजार ५५७ पुरुष व १ लाख ४१ हजार ७८२ महिला, असे एकूण २ लाख ९० हजार ३३९ मतदार मतदानाचा हक्क बजावणार आहेत.