Latest Akola News: पंतप्रधान नरेंद्र मोदी शनिवार (ता.९) अकोला दौऱ्यावर आहेत. विधानसभा निवडणूक प्रचारादरम्यान ज्या मतदारसंघामध्ये मोदींच्या सभा झाल्या आहेत तेथील उमेदवार विजयी झाल्याचा इतिहास आहे. त्यामुळे उद्या होणाऱ्या सभेत मोदींची काय जादू चालेल काय? याकडे सर्वांचेच लक्ष लागले आहे.
वऱ्हाडात पहिल्यांदाच महायुतीतील उमेदवारांचा कस लागत आहे. अकोला पूर्व, अकोला पश्चिम, मूर्तिजापूर, अकोटसह बुलडाणा जिल्ह्यात मलकापूर, खामगाव, चिखली, जळगाव जामोद या मतदारसंघात तसेच वाशीम जिल्ह्यात वाशीम, कारंजा या मतदारसंघातील लढती चुरशीच्या होणार असल्याची चिन्हे आहेत.