विधानसभा निवडणुकीत राष्ट्रवादीचे नेते नवाब मलिक यांची उमेदवारी महायुतीसाठी डोकेदुखी वाढवणारी ठरत आहे. भाजपच्या विरोधानंतरही राष्ट्रवादीकडून तिकीट मिळाल्यानंतर नवाब मलिक यांची कणखर भूमिका पाहायला मिळत आहे. ते म्हणाले, 'मी राष्ट्रवादी काँग्रेसचा उमेदवार आहे, मी अजितदादांच्या पाठीशी आहे, त्यांनीच मला उमेदवारी दिली आहे, आता महायुतीचे लोक, मग ते भारतीय जनता पक्षाचे असो वा शिवसेनेचे, ते माझ्या विरोधात निवडणूक लढवत आहेत. आता माझा लढा त्यांच्याशी आहे.