दोन राजकीय घराण्यात पुन्हा अस्तित्वाची लढाई; शंभूराज देसाई-पाटणकरांमध्ये अटीतटीची लढत, देसाई साधणार हॅट्‌ट्रिक?

पाटण : विधानसभा निवडणुकीचे (Patan Assembly Election) बिगुल वाजले आहे. पाटण विधानसभा मतदारसंघात सत्ताधारी महायुती विरोधात महाविकास आघाडी असा सामना रंगणार असला, तरी पारंपरिक देसाई- पाटणकर या दोन राजकीय घराण्यात पुन्हा एकदा अस्तित्वाच्या लढाईचा संघर्ष होणार आहे. दोन वेळा पराभवाचा सामना करावा लागलेले सत्यजितसिंह पाटणकर (Satyajit Singh Patankar) या वेळी विजयासाठी, तर पालकमंत्री शंभूराज देसाई (Shambhuraj Desai) विकासकामांच्या जोरावर विजयाची हॅट्‌ट्रिक करणार का? याकडे लक्ष लागले असून, ही अटीतटीची लढाई राज्याचे लक्ष वेधून घेणार आहे.