Maharashtra Assembly Election : राज्यात सध्या विधानसभा निवडणुकीची रणधुमाळी सुरु आहे. अनेक स्टार प्रचारक नेत्यांचे प्रचार दौरे सुरु आहेत. पंतप्रधान नरेंद्र मोदींचेही राज्यात सुरु आहेत. मंगळवारी पंतप्रधान मोदी पुणे दौ-यावर येत आहेत. पंतप्रधान पदावर असताना पुण्याला सर्वाधिक वेळा भेट देणारे नरेंद्र मोदी हे पहिले पंतप्रधान ठरले आहेत. त्यांनी दहा वर्षांत तब्बल सहा वेळा पुण्याला भेट दिली आहे. उद्याचा त्यांचा सातवा दौरा आहे. पंतप्रधान असताना पंडित नेहरू 4 वेळा, इंदिरा गांधी 3 वेळा तर राजीव गांधी 2 वेळा पुण्यात आले होते. पंतप्रधान मोदींनी नेहरुंचा विक्रम मोडला आहे.
