सबस्क्राईब करा
Latest Mumbai News: राज्यातील प्रमुख राजकीय पक्ष जागा वाटपाच्या चर्चेत गुंतले असतानाच वंचित बहुजन आघाडीचे प्रमुख ॲड. प्रकाश आंबेडकर यांनी आगामी विधानसभा निवडणुकीसाठी १२ उमेदवारांची नावे शनिवारी जाहीर करत धक्का दिला. महत्त्वाचे म्हणजे या यादीत रावेर येथून तृतीयपंथी उमेदवाराची घोषणा केली आहे.
भाजप नेते आणि उपमुख्यमंत्री देवेंद्र फडणवीस यांच्या विरोधातही उमेदवार देण्यात आला आहे. वंचित आघाडीने रावेर मतदारसंघातून तृतीयपंथी शमिभा पाटील यांना उमेदवारी दिली आहे. तृतीयपंथी हक्क अधिकार समितीच्या त्या राज्य समन्वयक संस्थापक आहेत. मागील पाच वर्षांपासून त्या आघाडीबरोबर काम करत आहेत. फडणवीस यांच्या विरोधात विनय भागणे यांना उमेदवारी देण्यात आली आहे.
