Hingoli Assembly Election : तीनही मतदारसंघांसाठी जिल्हा प्रशासन सज्ज : जिल्हाधिकारी गोयल

हिंगोली : विजयादशमीचा सण उत्साहात पार पडल्यानंतर सर्वांनी दीपोत्सवाची जय्यत तयारी सुरू केली असताना विधानसभा निवडणुकीचा बिगुल वाजला. त्यामुळे यंदा ऐन दिवाळीच्या उत्सवात विधानसभा निवडणुकीचा महाउत्सव असणार आहे. .विधानसभा निवडणुकीचा कार्यक्रम जाहीर होताच आदर्श आचारसंहिता लागू झाली असून, जिल्ह्यातील तीनही विधानसभा मतदारसंघांत प्रशासनाने चोख तयारी पूर्ण केली असल्याची माहिती जिल्हाधिकारी अभिनव गोयल यांनी बुधवारी (ता. १६) दिली.जिल्हाधिकारी कार्यालयाच्या सभागृहात झालेल्या पत्रकार परिषदेस मुख्य कार्यकारी अधिकारी नेहा भोसले, जिल्हा पोलिस अधीक्षक श्रीकृष्ण कोकाटे, अपर जिल्हाधिकारी खुशालसिंह परदेशी, निवासी उपजिल्हाधिकारी अभिमन्यू बोधवड, उपजिल्हाधिकारी निवडणूक विभाग रामेश्वर रोडगे यांची उपस्थिती होती.जिल्ह्यात हिंगोली, कळमनुरी व वसमत असे तीन विधानसभा मतदारसंघ आहेत. विधानसभा निवडणुकीच्या तयारीविषयी माहिती देत जिल्हाधिकारी गोयल यांनी तीनही मतदारसंघांत निवडणूक शांततेत पार पाडण्यासाठी प्रशासन सज्ज असल्याचे सांगितले; तसेच निवडणूक कामात कुचराई करणाऱ्यांची गय केली जाणार नसल्याचेही त्यांनी यावेळी स्पष्ट केले..नऊ लाख ७४,५४१ मतदार बजावणार हक्कजिल्ह्यात एकूण १०१५ मतदान केंद्रे आहेत. यामध्ये वसमत विधानसभा मतदारसंघात ३२७, कळमनुरी ३४५, तर हिंगोली विधानसभा मतदारसंघांतील ३४३ मतदान केंद्रांचा समावेश आहे. वसमत विधानसभेत किन्होळा हे एकमेव संवेदनशील मतदान केंद्र आहे. जिल्ह्यातील मतदारसंख्या नऊ लाख ७४ हजार ५४१ एवढी आहे. यामध्ये पुरुष पाच लाख सहा हजार १५५, तर महिला मतदारांची संख्या चार लाख ६८ हजार ३७६ एवढी आहे, तर इतर १० मतदार आहेत.विविध पथके असणार तैनातक्षेत्रीय अधिकारी, भरारी पथके तैनात राहतील. याशिवाय व्हिडिओ शूटिंग पथके असणार असल्याची माहिती जिल्हाधिकारी गोयल यांनी यावेळी दिली. जिल्ह्यात १३८ क्षेत्रीय अधिकारी असून, नियुक्त ११५, राखीव २३ चा यात समावेश आहेत. यामध्ये वसमत विधानसभेत नियुक्त ३८, राखीव १० असे एकूण ४८, कळमनुरी विधानसभेत नियुक्त ३६, राखीव चारसह एकूण ४०, तर हिंगोली विधानसभेमध्ये नियुक्त ४१, राखीव ९ असे एकूण ५० असणार आहेत.विधासभानिहाय मतदार, मतदान केंद्रांची संख्यावसमत विधानसभा मतदारसंघात एकूण तीन लाख १७ हजार ४९१ मतदार, तर ३२७ मतदान केंद्रे आहेत. कळमनुरी विधानसभा मतदारसंघात तीन लाख २६ हजार ६८६ मतदार, तर ३४५ मतदान केंद्रे आहेत. हिंगोली मतदारसंघात तीन लाख ३० हजार ३६४ मतदार असून, ३४३ मतदान केंद्रे आहेत..जिल्ह्यात दिव्यांग मतदारसंख्या सहा हजार ५३ आहे, तर ८५ पेक्षा अधिक वयोगटातील मतदार १५ हजार ३०० आहेत. वसमत विधानसभेत दोन हजार ३०७ दिव्यांग मतदार असून, पाच हजार १३० मतदार ८५ पेक्षा अधिक वयोगटातील आहेत. कळमनुरी विधानसभेत दोन हजार २१२ दिव्यांग मतदार आहेत; तर चार हजार ७१० मतदार ८५ पेक्षा अधिक वयोगटातील आहेत, तर हिंगोली विधानसभेत एक हजार ५३४ दिव्यांग मतदार असून, पाच हजार ४६० मतदार ८५ पेक्षा अधिक वयोगटातील आहेत.निवडणुकीच्या काळात दारू, पैसे वाटपावर करडी नजर असणार आहे. आचारसंहितेचे काटेकोर पालन केले जाणार आहे. सोशल मीडियाचा गैरवापर होऊ नये, यासाठी स्वतंत्र कक्ष स्थापन करण्यात आला आहे. फेक न्यूजवरही लक्ष असणार आहे. ठिकठिकाणी सीसीटीव्हीची करडी नजर असणार आहे. या निवडणुकीच्या उत्सवात सहभागी होऊन शंभर टक्के मतदारांनी मतदानाचा हक्क बजावावा.- अभिनव गोयल, जिल्हाधिकारीमनुष्यबळाची गरज लक्षात घेता सर्व पोलिसांच्या सुट्या रद्द करण्यात आल्या आहेत. राजकीय पक्षांना विविध परवानग्या लागतात, याकरिता उपविभागीय अधिकारी कार्यालयात एक खिडकी योजना राबविली जाणार आहे.- श्रीकृष्ण कोकाटे, पोलिस अधीक्षक.सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Hingoli Assembly Election : तीनही मतदारसंघांसाठी जिल्हा प्रशासन सज्ज : जिल्हाधिकारी गोयल

Related Stories