पुसद: महाराष्ट्राचे दोन मुख्यमंत्री, राज्यपाल, कॅबिनेट मंत्री, खासदार, आमदार असे सातत्याने राजकीय वैभव लाभलेले पुसदचे अपराजित नाईक घराणे या विधानसभा निवडणुकीत संपूर्ण महाराष्ट्राचे लक्ष वेधून घेणार आहे. त्याचे कारणही तसेच आहे. एकजुटीसाठी ओळखल्या जाणाऱ्या नाईक घराण्यात पडलेली राजकीय फूट. माजी मुख्यमंत्री वसंतराव नाईक यांचे नातू व माजी मंत्री मनोहर नाईक यांचे सुपुत्र आमदार इंद्रनील नाईक व ययाती नाईक या दोन सख्ख्या भावातील संभाव्य लढत राजकीय आखाड्यात प्रचंड गाजण्याची चिन्हे दिसत आहे.