राधानगरी विधानसभा मतदारसंघातील आमदार प्रकाश आबिटकर यांचा अश्वमेध रोखण्यासाठी माजी आमदार के. पी. पाटील यांनी हातात शिवबंधन बांधून घेतले. आता त्यांचे मेहुणे ए. वाय. पाटील यांच्या भूमिकेकडे लक्ष आहे.
कोल्हापूर : महाविकास आघाडीत राधानगरी मतदारसंघ (Radhanagari Assembly Election) कोणाला आणि उमेदवार कोण, या चर्चेत या मतदारसंघाचे माजी आमदार के. पी. पाटील यांनी बाजी मारली असून, उमेदवारीच्या स्पर्धेतील त्यांचे दाजी (बहिणीचे पती) ए. वाय. पाटील यांच्या वाट्याला नाराजी आली आहे. पण, ए. वाय. या निवडणुकीत कोणती भूमिका घेणार, याविषयी आता उत्सुकता आहे.