शर्मिला वाळुंज, डोंबिवली: अंबरनाथ येथे मनसे शिवसेना ठाकरे गटाला पाठिंबा देणार असल्याची चर्चा गेले काही दिवस सुरू आहे. त्यातच मनसेचे कल्याण ग्रामीणचे आमदार आणि उमेदवार राजू पाटील यांनी ठाकरे गटाचे उमेदवार राजेश वानखेडे हे माझे मित्र आहेत. मित्र म्हणून त्यांना नक्कीच मदत करणार असे सूतोवाच अंबरनाथ येथे दिले आहेत. पक्षाचा आदेश आल्यावर पुढे पाहू असे म्हणत आमदार पाटील यांनी आताच शिवसेना शिंदे गटाच्या उमेदवारास घाम फोडत मित्राला दोस्तीचा वादा दिला आहे.