Maharashtra Assembly Election: भाजप नेते रावसाहेब दानवे यांची एक कृती सध्या जोरदार चर्चेत आहे. आगामी विधानसभा निवडणुकांच्या पार्श्वभूमीवर पक्षाच्या बैठकीत आणि कार्यकर्ता मेळाव्यांमध्ये जोमाने सहभाग घेणाऱ्या दानवेंनी एका कार्यक्रमात कार्यकर्त्याला लाथ मारल्याचा व्हिडिओ सोशल मीडियावर व्हायरल झाला आहे. या घटनेनंतर कार्यकर्त्यांमध्ये संताप आणि नाराजीची भावना निर्माण झाली आहे, तर विरोधी पक्षांनी देखील यावरून टीका करण्याची संधी साधली आहे.