Ratnagiri Assembly Election 2024 Results : उदय सामंत विरुद्ध बाळ माने

Ratnagiri Assembly Election 2024 Results : रत्नागिरी विधानसभा मतदारसंघातील (Ratnagiri Assembly Constituency) लढत चुरशीची होती. चारवेळा विजय प्राप्त करणारे उदय सामंत (Uday Samant) हे शिंदे शिवसेनेकडून, तर मागील निवडणुकीत तीनवेळा पराभूत झालेले बाळ माने (Bal Mane) हे ठाकरे शिवसेनेकडून रिंगणात होते..पारंपरिक प्रतिस्पर्धी असले तरीही सध्याची राजकीय परिस्थिती वेगळी होती. रत्नागिरी विधानसभा मतदारसंघामध्ये शिवसेना विरुद्ध शिवसेना असा रंगतदार सामना होता. या मतदारसंघांमध्ये शिवसेना-भाजप (BJP) युती असतानाही भाजपचे बाळ माने यांचा तीन निवडणुकांमध्ये पराभव झाला. २००४ व २००९ मध्ये शिवसेनेचा छुपा पाठिंबा असल्यामुळे राष्ट्रवादीतून सामंत यांचा विजय झाला होता. .रत्नागिरी मतदारसंघात महायुती विरुद्ध महाविकास आघाडी अशीच लढत होती. फेक नॅरेटिव्हने विद्यमान आमदारांविरोधात राजकीय वातावरण गढूळ केले असा आरोप केला होता. उबाठाचे उमेदवार बाळ माने यांच्या बाजूने काहीसे वातावरण असल्याचे राजकीय चित्र आरंभी होते. परंतु, मतदानापूर्वी कथित फेक नॅरेटिव्ह पुसून काढण्यात उदय सामंत यांना यश आलं. लोकसभेवेळी मुस्लिम समाजाचा असलेला विरोध मावळला. भाजपशी शिवसेनेने चांगले सूत जुळवले. मतदानादिवशी महाविकास आघाडीच्या बूथचे अल्प प्रमाण सामंतांनी पुन्हा मतदारसंघावर पकड मिळविल्याचे चिन्ह होते..रत्नागिरीमध्ये यावेळी वेगळी निवडणूक होती. हा मतदारसंघ शिवसेनेचा बालेकिल्ला. परंतु, शिवसेना विरुद्ध शिवसेना अशी लढत होती. उदय सामंत यांची ही पाचवी टर्म आहे. यापूर्वी बाळ माने यांचा 2004, 2009, 2014 या तीन निवडणुकीत उदय सामंत यांनी पराभव केला आहे. गेल्या निवडणुकीत ते पूर्ण अलिप्त होते. त्यांनी शांत राहून सत्तेत असलेल्या भाजपकडून काही विकास कामे करून घेतली. मात्र, गेल्या दोन वर्षांपासून त्यांनी निवडणुकीची तयार सुरू केली. मतदारसंघ त्यांनी पिंजून काढला..या दरम्यान घडलेल्या घटनेचे राजकीय भांडवल करण्यात आले. सामंत यांच्या विरोधात धार्मिक राजकारण सुरू झाले. त्याचा परिणाम काही प्रमाणत दिसत होता. त्यात भाजप आतून आपल्या बाजूने असल्याचा फेक नॅरेटिव्ह निवडणुकीत पसरविण्यात आले. लोकसभेप्रमाणे यावेळीही मुस्लिम समाज महाविकास आघाडीच्या बजूने असले असे चित्र उभे करण्यात आले होते. .उदय सामंत यांनी प्रभावी प्रचार मुस्लिम मोहल्ल्यात केला. भाजपच्याच नेत्यांना रणांगणात उतरवून फेक नॅरेटिव्ह दूर केला. भाजपशी अगदी खांद्याला खांदा लावून सामंत यांनी मतदारसंघ सभांचा सपाटा लावला. सामंत यांनी केलेली जोरदार विकास कामे, मुख्यमंत्री लाडकी बहीण योजना, रत्नागिरीत येऊ घातलेले प्रकल्प आदीचा प्रचार करून संपूर्ण वातावरणच बदलून टाकले होते..Exit Poll : नवा एक्झिट पोल जाहीर, 175 जागांसह नवे सरकार, मुख्यमंत्री कोण होणार ? .एकूण मतदार - 2 लाख 91 हजार 221पुरुष मतदार - 1 लाख 42 हजार 048महिला मतदार - 1 लाख 49 हजार 162एकूण झालेले मतदान एकूण मतदार - 1 लाख 85 हजार 593पुरुष मतदार - 90 हजार 951महिला मतदार - 94 हजार 938.२०१४ च्या निवडणुकीमध्ये शिवसेना व भाजप स्वतंत्र लढल्यामुळे राष्ट्रवादीतून सामंत यांनी शिवसेनेमध्ये प्रवेश करून विजय नोंदवला. २०१९ च्या निवडणुकीमध्ये शिवसेना-भाजप युती असल्यामुळे शिवसेनेतर्फे सामंत चौथ्यांदा निवडून आले. चारपैकी तीनवेळा त्यांचे विरोधक बाळ मानेच होते. आताही ते ठाकरे शिवसेनेकडून त्यांच्यासमोर रिंगणात उतरले होते. ....तरीही मानेंचा संपर्क कायम२००४ च्या निवडणुकीतील मानेंच्या पराभवाला युतीमधील स्वकीयच जबाबदार होते. पुढे राज्यसभेच्या निवडणुकीमध्ये काँग्रेसच्या हुसेन दलवाई यांच्या विरोधात भाजपने बाळ माने यांना रिंगणात उतरवलं होते. तेव्हाही त्यांना पराभवाचा सामना करावा लागला. तीन विधानसभा आणि एक राज्यसभा निवडणुकीत त्यांना अपयशाला सामोरे जावे लागले होते; मात्र तरीही माने यांचा रत्नागिरी विधानसभा मतदारसंघातील संपर्क कायम ठेवला होता. आता ते ठाकरे शिवसेनकेडून नशीब आजमावत होते..बाळ मानेंची राजकीय कारकीर्दभाजपचे माजी आमदार बाळ माने हे गेली अनेक वर्षे भाजपात काम करताहेत. बाळ माने यांनी १९९९ साली प्रथम विधानसभा निवडणूक लढवली. त्यात ते विजयी झाले. त्यानंतर २००४, २००९ आणि २०१४ अशा तीन निवडणुकांमध्ये उदय सामंत आणि बाळ माने यांनी एकमेकांविरोधात निवडणुकी लढल्या. त्यात बाळ मानेंचा सलग तीनवेळा पराभव झाला. .२०१४, २०१९ मध्ये काय घडलं?२०१४ मध्ये झालेल्या विधानसभा निवडणुकीत शिवसेना व भाजपा हे पक्ष स्वतंत्रपणे निवडणुकांना सामोरे गेले होते. त्यावेळी भाजपचे बाळ माने यांचा शिवसेनेच्या उदय सामंत यांनी पराभव केला होता. सामंत यांना ९३८७६ मते मिळाली होती, तर माने यांना ५४४४९ मते मिळाली होती. भाजपचे बाळ माने हे १९९९ मध्ये रत्नागिरी विधानसभा मतदारसंघातून विधानसभेवर निवडूण गेले होते. त्यानंतर २००४, २००९ आणि २०१४ मध्ये झालेल्या विधानसभा निवडणुकांमध्ये उदय सामंत यांनी बाळ मानेंचा सलग तीन वेळा पराभव केला..२०१९ मध्ये झालेल्या विधानसभा निवडणुकीत उदय सामंत हे रत्नागिरी-सिंधुदुर्ग विधानसभा मतदारसंघातील महायुतीचे उमेदवार होते. त्यांची लढत राष्ट्रवादीचे उमेदवार सुदेश मयेकर यांच्याविरोधात झाली. या निवडणुकीत सामंत यांना ११८४८४ मते मिळाली, तर मयेकर यांना केवळ ३११४९ मते मिळाली. ८७ हजारांहून अधिक मताधिक्याने सामंत विधानसभेवर निवडून गेले होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Ratnagiri Assembly Election 2024 Results : उदय सामंत विरुद्ध बाळ माने

Related Stories