कर्जत : राजकीय नेत्यांसाठी निवडणूक म्हणजे केवळ एक मतदानाचा दिवस नसतो. तर राजकीय करियरसाठीचा अंतिम फैसला असतो. त्यामुळं एखाद्या उमेदवाराचा थोड्याशा फरकानं पराभव होणं हे देखील त्याच्या खूपच जिव्हारी लागू शकतं. पण उमेदवारासाठी हा विषय इतका महत्वाचा असतानाच त्याच्यासाठी काम करणाऱ्या कार्यकर्त्यासाठीही हा विषय अनेक अंगानं महत्वाचा असतो.
एखादा कार्यकर्त्या तर आपल्या नेत्याचा डायहार्ड फॅनही असतोच. असाच प्रकार महाराष्ट्राच्या विधानसभा निवडणुकीत घडला आहे. कर्जत-जामखेड या रोहित पवारांच्या मतदारसंघात पवारांच्या एका कार्यकर्त्याला हार्टअटॅक आला, त्याला कारण ठरलेत खुद्द रोहित पवार. कारण तो रोहित पवारांचा डायहार्ड फॅन आहे.
