आमदार शहाजी पाटील म्हणाले, 'माझा संसार पणाला लावला, पण तालुक्यातील माझ्या तमाम जनतेचा संसार फुलवला.'
सांगोला : मी १९९० मध्ये राजकीय जीवनास सुरवात केली. स्व. आमदार गणपतराव देशमुख (Ganpatrao Deshmukh) यांच्या विरोधात सात निवडणुका पार पाडल्या. त्यावेळी त्यांच्या विरोधात उभा राहण्यास कोणी तयार नव्हते. आज मात्र तालुक्यात विधानसभा निवडणूक लढवायला चढाओढ लागली आहे. मी केलेल्या विकास कामावर निवडणूक लढवीत असून माझ्या राजकीय जीवनातील ही शेवटची निवड असल्याची भावनिक साद आमदार शहाजी पाटील (MLA Shahaji Patil) यांनी घातली.