शरद पवार यांनी जातीयवाद, द्वेषाचे राजकारण करून महाराष्ट्रातील एकोपा संपवला, अशी टीका मनसे अध्यक्ष राज ठाकरे यांनी केली होती. यावर शरद पवार यांनी प्रत्युत्तर दिले आहे. साम टिव्हीला दिलेल्या विशेष मुलाखतीत शरद पवार म्हणाले की, माझ्या पक्षात आणि त्यावेळच्या सरकारमध्ये आम्ही अनेक जाती-धर्माच्या लोकांना संधी दिली. आजही आमचा दृष्टिकोण व्यापक आहे. कुणी मुर्खासारखं काही बोलत असेल तर त्याची नोंद कशासाठी घ्यायची? असा टोलाही त्यांनी राज ठाकरेंना लगावला.
