महाविकास आघाडीमध्ये विधानसभा निवडणुकीसाठी जागावाटपाची चर्चा अंतिम टप्प्यात आलेली आहे. यादरम्यान काही जागांवर उद्धव ठाकरे यांची शिवसेना आणि काँग्रस यांच्यात मतभेद असल्याचे सांगितले जात आहे. यासोबतच दोन्ही पक्ष स्वबळावर निवडणुक लढण्याच्या पवित्र्यात असल्याची चर्चा देखील सुरू होती. यातच उद्धव ठाकरेंच्या शिवसेनेचे नेते संजय राऊत हे भाजपचे ज्येष्ठ नेते अमित शाह यांना भेटल्याचे वृ्त्त समोर आले होते. दरम्यान आता खासदार संजय राऊत यांनी माध्यमांसमोर येत या चर्चांना पूर्णविराम दिला आहे.