Sindkheda Assembly Election 2024 result Maharashtra Vidhan Sabha nikal : शिंदखेडा विधानसभा मतदारसंघाच्या निवडणुकीत भाजपचे उमेदवार आमदार जयकुमार रावल पाचव्यांदा निवडून आले. राष्ट्रवादी काँग्रेस शरदचंद्र पवार पक्षाचे उमेदवार संदीप बेडसे यांचा आमदार रावल यांनी ९६ हजार ४७१ मतांची आघाडी घेत पराभव केला. महाविकास आघाडीचे बंडखोर उमेदवार शामकांत सनेर यांचे डिपॉझिट जप्त झाले.
निवडणूक निर्णय अधिकारी महादेव खेडकर यांच्या मार्गदर्शनाखाली मतमोजणी झाली. पहिल्या फेरीचा निकाल सुमारे एक तासात पूर्ण करण्यात आला. पहिल्या फेरीपासून भाजपचे उमेदवार जयकुमार रावल यांनी आघाडी घेतली ती शेवटच्या फेरीपर्यंत सुरूच राहिल्याने भाजपचे पदाधिकारी व कार्यकर्ते जोशात होते.