संग्रामपूर : जळगाव जामोद विधानसभा मतदार संघामध्ये उमेदवारी देताना महाविकास आघाडीमध्ये चांगलीच रस्सी खेच शेवटच्या टप्प्यापर्यंत सुरू असल्याचे दिसून येत आहे. काँग्रेस व राष्ट्रवादी दोघांकडून हा मतदारसंघ आपल्या पारड्यात पडावा यासाठी जोरकस प्रयत्न सुरू असून मतदारसंघ कुणाच्या वाट्याला जाणार याकडे गावपातळीवरील कार्यकर्त्यांचे लक्ष पक्षश्रेष्ठींच्या निर्णयाकडे लागले आहे. सोबतच इतर पक्षाचे ही नेते महाविकास आघाडीच्या निर्णायक भूमिकेवर लक्ष ठेवूनच आहेत.