BJP Candidates List : भाजपच्या विधानसभा उमेदवारांच्या पहिल्या यादीतून दोन आमदारांचा पत्ता कट... 'या' दिग्गजांना मिळाली संधी

भाजपने विधानसभा निवडणुकीसाठी ९९ उमेदवारांची पहिली यादी आज (रविवार) जाहीर केली आहे. या यादीमध्ये काही विद्यमान आमदारांना पुन्हा मैदानात उतरवण्यात आले आहे. यासोबत दोन आमदारांचे तिकीट देखील कापण्यात आले आहे. .भाजपच्या पहिल्या यादीमध्ये पूर्वीच्या दोन आमदारांचे तिकिट कापण्यात आले आहे. यामध्ये कामठी मतदारसंघामध्ये भाजपचे टेकचंद सावरकर हे आमदार होते. मात्र यावेळी त्यांचा पत्ता कट करण्यात आला असून, त्यांच्याजागी भाजपचे प्रदेशाध्यक्ष चंद्रशेखर बावनकुळे हे आता निवडणूक लढवणार आहेत. तर दुसरीकडे चिंचवड विधानसभा मतदारसंघातून अश्विनी जगताप यांच्याऐवजी भाजपकडून शकंर जगताप हे निवडणुकीच्या मैदानात उतरणार आहेत..फडणवीस नागपूर दक्षिण-पश्चिम तर कोथरूडमधून चंद्रकांत पाटील...भाजपच्या पहिल्या यादीनुसार कोण कुठून लढणार? वाचा संपूर्ण यादी.१३ महिला उमेदवारांना संधीभाजपने जारी केलेल्या पहिल्या १३ महिला उमेदवारांना संधी देण्यात आली आहे. ज्यामध्ये माजी मुख्यमंत्री अशोक चव्हाण यांच्या कन्या श्रीजया चव्हाण यांना भोकर मतदारसंघातून उमेदवारी देण्यात आली आहे. यासोबत बेलापूर मतदारसंघातून बेलापूर मंदा म्हात्रे, चिखली - श्वेता महाले, श्रीगोंदामध्ये प्रतिमा पाचपुते, पर्वतीमधून माधुरी मिसाळ , जिंतूर - मेघना बोर्डीकर, गोरेगाव - विद्या ठाकूर, केजमधून नमिता मुंदडा, शेवगावमधून मोनिका राजळे, दहिसर मनीषा चौधरी, कल्याण पूर्व मतदारसंघातून सुलभा गायकवाड, नाशिक पश्चिममधून सीमा हिरे, फुलंब्री - अनुराधा चव्हाण यांची नावे जाहीर करण्यात आली आहेत. यामधील नऊ महिला या विद्यमान आमदार आहेत तर चार महिलांना पहिल्यांदा निवडणूक रिंगणात उतरवले आहे. त्यामध्ये श्रीजया चव्हाण यांना भोकर मतदारसंघातून तर कल्याण पूर्व मतदारसंघातून सुलभा गायकवाड, फुलंब्री अनुराधा चव्हाण, श्रीगोंदामध्ये प्रतिमा पाचपुते यांना प्रथमच संधी देण्यात आली आहे..Delhi school blast : दिल्लीतील रोहिणी येथे CRPF शाळेबाहेर भीषण स्फोट; दोन किलोमीटरपर्यंत ऐकू आला आवाज, नेमकं काय घडलं?.दरम्यान आज भाजपने पहिली यादी जारी केल्यानंतर लवकरच महायुतीमधील उरलेले दोन पक्ष, म्हणजेच एकनाथ शिंदे आणि अजित पवारांचा राष्ट्रावादी काँग्रेस पक्ष देखील लवकरच त्यांच्या उमेदवारांची पहिली यादी जाहीर करण्याची शक्यता आहे. 20 नोव्हेंबरला मतदान, 23 रोजी निकालमहाराष्ट्र आणि झारखंडमध्ये नुकत्याच विधानसभा निवडणुका जाहीर झाल्या आहेत. २० नोव्हेंबरला महाराष्ट्रातील सर्व १८८ जागांवर मतदान होणार आहे, तर २३ नोव्हेंबरला दोन्ही राज्यांचे निकाल जाहीर होणार आहेत. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

BJP Candidates List : भाजपच्या विधानसभा उमेदवारांच्या पहिल्या यादीतून दोन आमदारांचा पत्ता कट... 'या' दिग्गजांना मिळाली संधी

Related Stories