चिंचवड आणि कसबा विधानसभा पोटनिवडणुकीसाठी आज पासून उमेदवारी अर्ज भरण्याची प्रक्रिया सुरू झाली आहे. त्यामुळे खऱ्या अर्थाने पोटनिवडणुकीची रंगत वाढणार आहे. मात्र, ही निवडणूक बिनविरोध होण्यासाठी भारतीय जनता पक्षाने विरोधकांना पत्र देऊन साकडे घातले आहे.
मात्र ही निवडणुक बिनविरोध होणार नाही. राष्ट्रवादीने या पोटनिवडणुकीत उमेदवाराची चाचपणी केली असून लवकरच या जागेसाठी उमेदवार जाहीर होणार आहे.
दरम्यान राष्ट्रवादी काँग्रेसचे मावळचे आमदार सुनील शेळके यांनी मोठा गैप्यस्फोट केला आहे त्यामुळे राजकीय वर्तुळात मोठी खळबळ उडाली आहे.
चिंचवड विधानसभेच्या रणनीतीची जबाबदारी पक्षाने सुनील शेळके यांच्यावर सोपवली आहे. या पार्श्वभूमीवर सोमवारी राष्ट्रवादीची पहिलीच बैठक चिंचवडमध्ये पार पडली. या बैठकीनंतर पत्रकारांशी बोलतांना शेळके यांनी भाजपवर गंभीर आरोप केले आहेत.
ते म्हणाले की, दिवंगत आमदार लक्ष्मण जगताप यांचे निधन होण्यापुर्वीच भाजपने या जागेवर पोटनिवडणुकीची तयारी चालू केली होती.
लक्ष्मण जगताप यांचे निधन 3 जानेवारीला झाले. मात्र भाजपने तीन महिने अगोदरच चिंचवड पोटनिवडणुकीची तयारी चालू केली होती.
मुंबई सोडून भाजपने कोल्हापूर उत्तर आणि पंढरपूरमध्ये उमेदवार दिले या ठिकाणी त्यांनी सहानभूतीचा विचार केला नाही. असा आरोप सुनील शेळके यांनी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
