Upvasachi Kadhi Recipe: उपवासाला साबूदाण्यासारखा जड पदार्थ खाण्यापेक्षा हलकी कढी पिणे कधीही चांगलेच, लगेच जाणून घ्या रेसिपी

आज आषाढी एकादशी आहे. आषाढी एकादशी हिंदू धर्मांमध्ये सर्वात पवित्र आणि महत्वाची मानली जाते. या दिवशी विठुरायाची आणि भगवान विष्णूची पूजा केली जाते. या दिवशी घरातले जवळपास सगळेच जण उपवास करतात. त्यामुळे गृहिणींचा उत्साह वेगळाच असतो. आनंदाने उपवासाचे वेगवेगळे पदार्थ घरच्या मंडळींना खाऊ घालत असतात.

आता उपवासाला कोणते कोणते पदार्थ करायचे, याची तयारी घरांघरांत सुरू झालेली असणारच त्यासाठी आम्ही तुम्हाला एक अशी रेसिपी सांगणार आहोत जे तुम्ही थालीपीठासोबत खाऊ शकता. तर ती रेसिपी म्हणजे उपवासाची कढी.

ही कढी चविष्ट असण्याबरोबरच पचनक्रीया सुधरवते. हे फार सहज, झटपट बनवले जाऊ शकते. उपवासाच्या थालीपीठासोबत हे खाता येऊ शकते.

साहित्यः

ताजे दही २५० ग्रॅम

सिंगाड्याचे पिठ २५०

खिसलेले आले

लाल मिरची पूड

कोथिंबीर बारीक चिरलेली

तेल

सेंधे मिठ

कृती

एका बाऊलमध्ये एक कप आंबट दही घ्यावे. यात दोन चमचे सिंगाड्याचे पिठ टाकून व्यवस्थित फेटून घ्यावे. वरून दिड कप पाणी घालून एकसारखे करून घ्यावे. त्यानंतर गॅसवर कढईमध्ये तेल किंवा तूप गरम करून एक चमचा जीरे, चिमुटभर सेंधे मिठ, दोन खडी लाल मिरची, अर्धा चमचा खिसलेले आले परतवून त्यात कढीचा घोल टाकावा. याला व्यवस्थित उकळून घ्यावे. १५-२० मिनीटे शिजवले की उपवासाची कढी तयार.