Ashadhi Ekadshi Special Recipe: आषाढी एकादशी निमित्त बनवा खमंग उपवासाचे पराठे, जाणून घ्या बनवण्याची सोपी पद्धत

Ashadhi Ekadshi Special Recipe Sabudana Paratha: आषाढी एकादशीला हिंदु धर्मात खुप महत्व आहे. यंदा आषाढी एकादशी 17 जुलैला साजरी केली जाणार आहे. या दिवशी अनेक भक्त उपवासा करतात आणि देवाची मनोभावे पुजा करतात. या दिवशी अनेक घरांमध्ये साबुदाणा खिचडी बनवली जाते.पण यंदा तुम्हाला काही वेगळे बनवायचे असेल तर साबुदाणा पराठा ट्राय करू शकता. हा पराठा बनवायला सोपा असून चवदार देखील आहे. आषाढी एकादशीला झटपट तयार होणारे पराठे कसे बनवायचे हे जाणून घेऊया.

उपवासाचे पराठे बनवण्यासाठी लागणारे साहित्य

साबुदाणा

उकडलेले बटाटे

मीठ

जिरं

बारिक केलेली हिरवी मिरची

तुप

उपवासाचे पराठे बनवण्याची कृती

उपवासाचे पराठे बनवण्यासाठी सर्वात आधी साबुदाणा मंद आचेवर भाजून घ्यावा. नंतर मिक्सरमध्ये बारीक करावा आणि गाळून घ्यावा. नंतर त्यात उकडलेले बटाटे,जिरं, मीठ,बारिक केलेली हिरवी मिरची मिक्स करावे. नंतर हे मिश्रण १० मिनिटे झाकून ठेवावे. या मिश्रणाचे लहान गोळे करून पराठे लाटून घ्यावे. नंतर गरम तव्यावर तुप लावून पराठे दोन्ही बाजून चांगले भाजून घ्यावे. अशाप्रकारे तयार आहे उपवासाचे चवदार पराठे. तुम्ही शेंगदाण्याची चटणीसोबत खाऊ शकता.