Ashadhi Ekadshi Special Recipe: आषाढी एकादशी निमित्त बनवा चवदार साबुदाणा खीर, जाणून घ्या रेसिपी

Sabudana Kheer Recipe: आषाढी एकादशीला हिंदु धर्मात खुप महत्व आहे. आज आषाढी एकादशी संपुर्ण महाराष्ट्रात मोठ्या उत्साहात साजरी केली जात आहे. अनेक भक्त उपवास करतात आणि विठूरायाची मनोभावे पुजा करतात. या दिवशी अनेक घरांमध्ये साबुदाणा खिचडी बनवली जाते. पण यंदा तुम्हाला काही वेगळे बनवायचे असेल तर साबुदाणा खीर ट्राय करू शकता. ही खीर बनवायला सोपी असून चवदार देखील आहे. आषाढी एकादशीला झटपट खीर कशी बनवायचे हे जाणून घेऊया.

साबुदाणा खीर बनवण्यासाठी लागणारे साहित्य

काजू

बदाम

मनुका

अर्धा लिटर दूध

२ चमचे साखर

अर्धा वाटी भिजवलेला साबुदाणा

भिजवलेले खजूर

साबुदाणा खीर बनवण्याची कृती

साबुदाणा खार बनवण्यासाठी सर्वात आधी एका पॅनमध्ये काजू, बदाम, मनुका तुपात भाजून घ्यावे.

नंतर दूध मिक्स करावे आणि साखर टाकून चांगली उकळी येऊ द्यावी.

नंतर भिजवलेला साबुदाणा आणि खजूर टाकावे.

चांगले शिजू द्या आणि गरम खीरचा आश्वाद घेऊ शकता.