Butter Chakali: कुरकुरीत चकल्या सगळ्यांनाच आवडतात, एकदा ही बटर चकली ट्राय तर करून पहा

Butter Chakali : नवरात्र, विजयादशमी यानंतर आता दिवाळीची चाहुल लागली आहे. गृहिणींची फराळासाठी नवी शोधमोहीम सुरू झाली आहे. पारंपरिक पदार्थांसोबतच वेगळ्या चवीच्या रेसिपीही दिवाळीत ट्राय केल्या जातात.

पूर्वीच्या काळात महिला पूर्वापार चालत आलेल्या पद्धतीनेच फराळ बनवायच्या. पण आता जून्याच रेसिपींना नवा तडका दिलेला असतो. त्यामुळे जुन्याचं महत्त्वही टिकतं अन् नवी चवही चाखायला मिळते.

फराळातील सगळेच पदार्थ चवदार असतात. पण त्यातही चकलीची जागा जरा वेगळ्या चवीची आहे. सगळ्याच पदार्थाला बटर घातलं की त्याची चव अधिक वाढते, फक्त ते प्रमाणात घालावे लागते.

झटपट होणारी रेसिपी म्हणून तुम्ही बटर चकली नक्कीच ट्राय करू शकता 

साहीत्य – फुटाणे डाळ २ वाटी, भाजलेले बेसन पीठ १ चमचा, तांदळाचे पीठ १ चमचा, बटर १ चमचा, जीरे, हिंग, मीठ आवश्यकतेनुसार

कृती

एका भांड्यात सर्व पिठे आणि मसाले एकजीव करा. आवश्यक असेल तसे पाणी घालून घट्ट पिठ मळून घ्या. पिठा चांगले एकजीव करून त्याचा गोळा करून घ्या.

गोळ्याला चिर पडत असेल तर थोडा पाण्याचा अन् तेलाचा हात लावून चांगले मळून घ्या.

आता पिठाचा गोळा चकलीच्या साच्यात भरा. आणि कागदावर चकली पाडा. कढईत तेल तापायला ठेवा. 

तेल चांगले उकळले की गॅस पूर्ण बारीक करा. आणि चकली मंद आचेवर तळून घ्या. ही चकली तोंडात टाकताच विरघळते.  एका वेगळ्या चवीची चकली नक्की ट्राय करा.