Coconut Paneer Recipe : घरी आलेल्या पाहुण्यांसाठी बनवा ही झटपट बनणारी खास डिश, पाहुणेही म्हणतील वाह..

Coconut Paneer Recipe : घरी अचानक आलेल्या पाहुण्यांसाठी वेळेवर काय खास पाहुणचार बनवता येईल याने गृहिणींना टेंशन आलं असतं. बऱ्याच दिवसांनी आलेल्या पाहुण्यांना काही तरी स्पेशल डिश खाऊ घालणे भारतीय संस्कृतीचं वैशिष्ट्यच आहे. मात्र झटपट पण स्वादिष्ट काय बनवता येईल याचा विचार करत बसत टेंशन घेऊ नका. आज आम्ही तुम्हाला झटपट बनणारी स्पेशल डिश रेसिपी सांगणार आहोत. तेव्हा लगेच ही रेसिपी नोट करून घ्या.

घरी काहीतरी वेगळे करून पाहण्यासाठी, तुम्ही दुपारच्या किंवा रात्रीच्या जेवणासाठी कोकोनट पनीर बनवू शकता. कोकोनट पनीरची रेसिपी सोपी आहे आणि खूप चवदार आहे. चला तर मग जाणून घेऊया नारळाचे पनीर बनवण्याची रेसिपी.

कोकोनट पनीरसाठी लागणारे साहित्य

२५० ग्रॅम पनीर

१/२ कप फ्रेश क्रीम

१/२ टीस्पून गरम मसाला

१/२ टीस्पून हळद

५ चमचे किसलेले खोबरे

२-३ बारीक चिरलेले टोमॅटो

२ बारीक चिरलेले कांदे

१ टीस्पून आले लसूण पेस्ट

१ चमचे लाल तिखट

१ चमचा पनीर मसाला

३-४ हिरव्या मिरच्या

२ तमालपत्र

२-३ लवंगा

२-३ वेलची

थोडे तेल

चवीनुसार मीठ

कोकोनट पनीर पनवण्याची सोपी पद्धत

ही रेसिपी बनवण्यासाठी सर्वात आधी पनीरचे चौकोनी तुकडे करा. आता कढईत तेल टाकून गॅसवर ठेवा. तेल गरम झाल्यावर पनीरचे तुकडे हलके तळून घ्या. आता पनीर काढा आणि बाजूला ठेवा. यानंतर जिरे आणि तमालपत्र घालून गरम तेलात तळून घ्या. नंतर त्यात लवंग, वेलची आणि आले लसूण पेस्ट मिक्स करा. आता १ मिनिट परतून झाल्यावर कांदा घाला. कांदे हलके सोनेरी दिसायला लागले की टोमॅटो घालून परतून घ्या.

टोमॅटो मऊ झाल्यावर त्यात हळद, गरम मसाला आणि पनीर मसाला घालून तळून घ्या. आता त्यात किसलेले खोबरे आणि लाल तिखट मिसळा. सुमारे २-३ मिनिटे शिजवल्यानंतर, या मिश्रणात मलाई घाला. थोडा वेळ ढवळल्यावर तळलेले पनीर, मीठ आणि आवश्यकतेनुसार पाणी घाला. आता ग्रेव्ही घट्ट होईपर्यंत शिजवा. तुमचे कोकोनट पनीर तयार आहे, किसलेल्या नारळाने सजवून सर्व्ह करा. (Coconut)