Cooking Tips: भाजीत तिखट जास्त झाले तर 'असे' करा कमी, चवही होईल द्विगुणित

Cooking Tips: भारतात मसालेदार पदार्थ मोठ्या आवडीने खाल्ले जातात. विदेशातून देखील अनेक पर्यंटक पदार्थांची चव चाखण्यास येतात. पण अनेकदा असे घडते की मसालेदार पदार्थ बनवताना लोक चुकून जास्त मिरची पावडर घालतात. जर जास्त प्रमाणात मिरची पावडर घातली तर पदार्थ तिखट होतो आणि खाऊ शकत नाही. जर तुम्हाला भाजीमधला तिखटपणा कमी करायचा असेल तर घरगुती पदार्थांचा वापर करू शकता.

टोमॅटोची पेस्ट

भाजीचा तिखटपणा कमी करण्यासाठी टोमॅटो पेस्ट वापरू शकता. यासाठी एका पॅनमध्ये टोमॅटो पेस्ट गरम करा नंतर भाजीमध्ये टाका. यामुळे तिखटपणा कमी होतो.

मैदा

भाजीमध्ये तीन ते चार चमचे मैदा टाकल्यास तिखटपणा कमी होतो. तसेच भाजीमध्ये असलेले जास्त पाणी कमी करण्यासाठी मैदाचा वापर करू शकता.

तूप

तुप खाणे आरोग्यासाठी फायदेशीर असते. तसेच त्याचा भाजीमधील तिखटपणा कमी करण्यासाठी देखील केला जातो. भाजीमध्ये तूप टाकल्यास तिखटपणा कमी होतो. तसेच चव देखील द्विगुणित होते.

साय

अनेक घरातील स्वयंपाक घरांमध्ये साय असतेच. जर भाजी खुप तिखट झाली असेल तर त्यात साय टाका आणि थोडावेळ शिजवा. यामुळे भाजीचा तिखटपणा कमी होईल आणि चव वाढेल.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.