Snacks Craving : चहासोबत काहीतरी हटके खावंस वाटत आहे? बनवा खास साबूदाण्याचे क्रिस्पी फिंगर्स

Sago-Corn Flour Crispy Fingers : चहासोबत नेहमीच काहीतरी खास आणि हटके खावंस वाटत असतं, त्यात जर ते छान मसालेदार असेल तर काय विचारायलाच नको. पण आता काहीतरी म्हणजे काय? प्रश्न छान आहे.. पण उत्तर सापडण जरा कठीण वाटतं. अशा स्थितीत साबुदाणा कॉर्न फ्लोर क्रिस्पी फिंगर्स ही एक स्वादिष्ट रेसिपी आहे. बघूया याची रेसिपी...

साहीत्य :

- एक वाटी साबुदाणा

- दोन चमचे कॉर्नफ्लोर

- राजगिराचे पीठ अर्धी वाटी

- काळी मिरी पावडर अर्धा चमचा

- लाल तिखट अर्धा चमचा

- मीठ चवीनुसार

- उकडलेले दोन बटाटे

- पनीरचे लांबट तुकडे

- चाट मसाला एक चमचा

- तेल तळण्यासाठी

कृती :

- साबुदाणा मिक्सरच्या भांड्यात टाकून त्याची बारीक पावडर करुन तयार करा. नंतर एका मोठ्या मिक्सिंग बाऊलमध्ये काढा.

- आता या साबुदाणा पिठात राजगिराचे पीठ मिक्स करा अन् सोबत उकडलेले बटाटे घाला.

- आता त्यात चाट मसाला, काळी मिरी आणि लाल तिखट, चवीनुसार मीठ एकत्र मिसळा.

- उकडलेले बटाटे चांगले मॅश करुन मिक्स करा. तुम्हाला हवं असेल तुम्ही पनीर मॅश करुन मिक्सही करु शकता. त्यामुळे चव वाढेल.

- आता या मिश्रणाच्या मदतीने रोल तयार करा.

- कढईत तेल गरम करुन एका प्लेटमध्ये कोरडे कॉर्न फ्लोअर पीठ ठेवा.

- फिंगर्स गरम तेलात गोल्डन ब्राऊन होईपर्यंत तळा.

- टिश्यू पेपरवर काढून केचपसोबत गरमागरम सर्व्ह करा.