Egg Rice Recipe : काहीतरी पटकन होणारं अन् लज्जतदार खायचंय? साऊथ इंडियन अंडा राईस नक्की ट्राय करा!

Egg Rice Recipe :

काहीवेळा आपल्याला काहीतरी वेगळं खावंस वाटत असतं. काहीवेळा जेवण बनवण्याचा कंटाळा आलेला असतो. तर काहीवेळा तेच तेच पदार्थ खाण्याचा कंटाळा येतो. अशावेळी तुम्ही काहीतरी वेगळं म्हूणून बाहेरून काहीतरी मागवता. पण प्रत्येकवेळी असं बाहेरचं खाणं योग्य नाही.

तुम्हाला जेव्हा कधी काहीतरी हलकं पण हटके खावंस वाटेल तेव्हा तुम्ही अंडा राईस बनवू शकता. भाताचा हा प्रकार चायनिज नाही. तर, दक्षिण भारतीय आहे. तुम्ही आजवर डोसा, अंबोळी, इडली असे पदार्थ खाल्ले असतील. दक्षिण भारतात प्रसिद्ध असलेल्या काही भाताच्या प्रकारातील अंडे भातही आहे.

आज आपण एका अतिशय सोप्या पण रुचकर पदार्थाबद्दल बोलणार आहोत, तो म्हणजे साउथ इंडियन एग राईस. हे तुमचे एक परफेक्ट जेवण आहे. त्याची रेसिपी जाणून घेऊयात.

दक्षिण भारतीय अंडी भात फक्त स्वादिष्ट नाही. यामध्ये प्रथिने आणि चव भरपूर प्रमाणात असते. अंडी हा प्रथिनांचा एक मोठा स्त्रोत आहे, आणि मसाल्यांसह असलेल्या भातासोबत ते आणखी स्वादिष्ट बनते. मुलांसाठी लंच, डिनर किंवा टिफिन बॉक्ससाठी हा एक उत्तम पर्याय आहे.

साउथ इंडियन एग राईस कसा बनवायचा सर्वप्रथम कढईत तेल गरम करा. 1 टेबलस्पून बारीक चिरलेला लसूण, चिरलेली हिरवी मिरची, कढीपत्ता आणि चिरलेला कांदा घाला. कांदा मऊ होईपर्यंत परता, नंतर चिरलेला टोमॅटो घाला. थोडे मीठ शिंपडा आणि टोमॅटो छान आणि मऊ होईपर्यंत शिजू द्या.

यानंतर हळद, गरम मसाला आणि लाल तिखट घाला. सर्वकाही मिसळा आणि काही मिनिटे तळून घ्या. आता अंडी घालण्याची वेळ आली आहे! एका भांड्यात सहा अंडी फोडा, त्यात चिमूटभर मीठ, मिरपूड आणि थोडी अधिक लाल मिरची घाला, नंतर त्यांना चांगले फेटून घ्या. मसाल्यासह पॅनमध्ये अंडी घाला.

अंडी परतताना सतत ढवळत राहा. ते चांगले फ्राय झाल्यावर त्यात २ वाट्या शिजलेला भात घाला. तुम्हाला जरा जास्त चटपटीतपणा आवडत असेल तर त्यात थोडा चिली सॉस घाला.

भात आणि अंडी चांगले मिसळा. वरून चिरलेली कोथिंबीर आणि चिरलेला पातीचा कांदा घालू शकता.आता तुमचा भात तयार आहे. हा भात अगदी गरम असताना सर्व्ह केला तर अधिक चविष्ट लागतो.