दुधी भोपळ्यापासून बनवा कचोरी; लहान मुलं आवडीने खाईल

नागपूर : सकाळी, सायंकाळी अनेकांना नाश्ता करण्याची सवय असते. ऑफिसला असणारे तर मनात येईल तेव्हा नाश्ता करीत असतात. नाश्त्यासाठी कोणत्याही कारणाची त्यांना गरज नसते. अनेकांना नाश्त्यामध्ये कचोरी खायला आवडते. तुम्ही कचोरी खाऊन कंटाळले असाल तर आज आम्ही तुमच्यासाठी घेऊन आलो आहे खास दुधी भोपळ्याची कचोरी...

बहुतांश घरांमध्ये लहान मुलं दुधी भोपळा पाहून तोंड हेकडं वाकडं करतात. फक्त दुधी भोपळाच नव्हे तर इतर भाज्या पाहूनही ते असेच वागत असतात. मात्र, समोसा, कचोरी, फास्टफूड पाहून ते खूश होतात. मुलांना फक्त अशा गोष्टी आवडतात ज्या पाहण्यास आणि चव घेण्यासाठी छान असतात. मात्र, लवकीत असे काही गुण नसतात. त्यामुळे मुलं त्याला नापसंत करतात.

दुधी भोपळ्यामध्ये कॅलरीज कमी असतात. याचे सेवन केल्याने वजन कमी करण्यास मदत होते. याचा ज्यूस पिल्याने ऊर्जा टिकून राहते आणि शरीराचे डिटॉक्सिफिकेशन होते. तसेच पचनशक्ती सुधारते. ही निरोगी भाजी मुलांना खायला द्यायची असेल तर त्यांना वेगळ्या शैलीत तयार करा आणि खायला द्या.

लागणारी सामग्री

एक मध्यम किसलेले खवणी, किसलेले दोन पाकळ्या लसूण, भाजलेले जिरे, लाल मिरची, हळद पावडर, मीठ व तेल.

अशी करा तयार

सुरुवातीला मध्यम आकाराच्या दुधी भोपळ्याची साल सोलून घ्या. खवणीच्या साहाय्याने दुधी भोपळ्याला एका भांड्यात किसून घ्या. जास्त बिया दिसल्यास त्या काढून टाका. आता दुसऱ्या भांड्यात दोन कप मैदा टाका आणि एक वाटी किसलेली दुधी भोपळा टाका. अस करताना दुधी भोपळा जास्त होणार नाही याची काळजी घ्या. असे न झाल्यास कचोरी चांगली होणार नाही.

यात किसलेल्या लसणाच्या दोन पाकळ्या टाका. त्यानंतर अर्धा चमचा लाल मिरची, चवीनुसार मीठ, भाजलेले जिरे, हळद टाकून चांगले मिक्स करा. पीठ मळताना पाण्याचा वापर अजिबात करू नका. कणीक मळण्यासाठी दुभी भोपळ्याचे पाणी वापरा. कणीक ओले झाले तर त्यात अधिक पीठ टाकता येईल. आता ही कणीक दहा मिनिटांसाठी ठेवून द्या. दहा मिनिटांनंतर लहान लहान गोळे करून पुऱ्या बनवा. आता एका कढईत तेल गरम करा आणि पुऱ्या टाका. या पुऱ्या तेलात हलक्या सोनेरी होईपर्यंत तळा आणि काढून घ्या. तुम्हाला इच्छित असणाऱ्या चटणीसोबत या कचोरी खा. तसेच लोणच्याबरोबरही कचोरी सर्व्ह करू शकता.