शाकाहारी असो किंवा मांसाहारी बिर्याणी ही प्रत्येकाला आवडणारी डिश आहे. बिर्याणी वेगवेगळ्या पद्धतीने आणि वेगवेगळ्या गोष्टींनी बनवली जाते. अशीच एक रेसिपी म्हणजे पालक पनीर दम बिर्याणी. केवळ ३५ मिनिटांत बनवा ही स्पेशल रेसिपी, घरच्याघरी.
सामग्री :
तांदूळ, पालक, पनीर, मटार, गाजर, कोबी, १ चमचा लिंबाचा रस, १ तमालपत्र, ३ लवंगा, २ वेलदोडे , २ वेलची, ६ काळया मिऱ्या, १/२ टीस्पून जिरे, २ पळी तेल, १ टेबलस्पून देशी तूप, १/२ टीस्पून लाल मिरची, १ चमचा धने पावडर, १ टीस्पून बिर्याणी मसाला, चवीनुसार मीठ, बारीक चिरलेली कोथिंबीर, पुदिन्याची पाने, २ कप पाणी
कृती :
१. एक चमचा तेल आणि देशी तूप घालून भांडे गरम करा आणि सर्व मसाले घालून तळून घ्या
२. पालक पाण्यात उकळून त्याची प्यूरी करून घ्या आणि ती या मसाल्यांमध्ये घाला थोड्या वेळाने शिजल्यावर त्यात तांदूळ घाला आणि मिक्स करा त्यावर झाकण ठेवा आणि शिजू द्या.
३. तोपर्यंत दुसऱ्या बाजूच्या पॅनमध्ये तेल गरम करून पनीर शॅलो फ्राय करून बाजूला ठेवा. दुसरीकडे, भाज्यांना शिजवून घ्या.
४. तांदूळ थोडा शिजल्यानंतर गॅस मंद करा. यानंतर, ज्या पॅनमध्ये पनीर शॅलो फ्राय केले होते त्या पॅनमध्ये आले लसूण पेस्ट घाला आणि फ्राय करा.
५. उकडलेल्या भाज्या घाला आणि त्याही फ्राय करा म्हणजे त्या थोड्या कुरकुरीत होतील. बिर्याणी मसाला, हळद, तिखट, धनेपूड आणि मीठ घालून भाज्या छान मिक्स करा. चवीनुसार मीठ घालून त्यावर तळलेले कांदे टाका.
६. सर्व गोष्टी नीट मिक्स केल्यानंतर तांदूळ थोडा वेळ मंद आचेवर शिजवून घ्या आणि गॅस बंद करा.
७.थोडं देशी तूप त्यावर घाला आणि रायत्याबरोबर सर्व्ह करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
