Gudi Padwa 2024 : महाराष्ट्रात गुढीपाडव्याचा सण मोठ्या उत्साहात साजरा केला जातो. हिंदू नववर्षाची सुरूवात या गुढीपाडव्याच्या सणाने होते. त्यामुळे, या सणाला विशेष असे महत्व आहे. सध्या महाराष्ट्रात सगळीकडे या सणाची मोठी धामधूम पहायला मिळत आहे. यंदा गुढीपाडव्याचा सण ९ एप्रिलला (मंगळवारी) साजरा केला जाणार आहे.
गुढीपाडव्याच्या दिवशी दारासमोर गुढी उभारली जाते. गुढीसमोर रांगोळी काढली जाते आणि गुढीला गोडाधोडाचा नैवेद्य दाखवला जातो. काही घरांमध्ये पुरणपोळीचा बेत असतो तर काही घरांमध्ये श्रीखंड-पुरीवर ताव मारला जातो.
गुढीपाडव्याच्या निमित्ताने घरोघरी गोडाधोडाच्या पदार्थांची नुसती मेजवानी पहायला मिळते. उद्या गुढीपाडव्याचा सण आहे. त्यानिमित्ताने जर तुम्ही देखील घरच्या घरी श्रीखंड बनवण्याचा विचार करत असाल तर आज आम्ही तुम्हाला त्याची सोपी रेसिपी सांगणार आहोत. हे श्रीखंड कसे बनवायचे? चला तर मग जाणून घेऊयात त्याची सोपी रेसिपी.
दीड कप दही
१ चमचा वेलची पावडर
२ चमचे किसलेले जायफळ
अर्धा कप साखर
१ चमचा गरम दूध
चिमूटभर केशर
२ चमचे काजू
२ चमचे बदाम
एका बाऊलमध्ये गरम दूध घ्या आणि त्यामध्ये चिमूटभर केशर घाला.
आता हे मिश्रण एका बाजूला राहुद्या.
त्यानंतर, दुसऱ्या एका बाऊलमध्ये दही काढून घ्या आणि त्यामध्ये साखर घालून हे दह्याचे मिश्रण चांगले मिसळून घ्या.
त्यानंतर, या दह्याच्या मिश्रणात केशर घातलेले दूध मिसळून हे मिश्रण चांगले फेटून घ्या.
आता या मिश्रणात काजू आणि बदामचे बारीक तुकडे घाला.
त्यानंतर, हे तयार झालेले श्रीखंडाचे मिश्रण फ्रीजमध्ये थंड करायला ठेवून द्या.
आता तुमचे चविष्ट श्रीखंड खाण्यासाठी तयार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
