अनेक लोक डाएटसाठी सकाळी गरम पाणी आणि लिंबू पितात. याऐवजी ते हा लिंबाचा चहा म्हणजेच लेमन टी पिऊ शकतात. लेमन टीचे अनेक फायदे आहेत.
आपल्याला माहित आहेच की लेमन टी चरबी कमी करण्यासाठी फायदेशीर असतो. पण कसा? लिंबू शरीरातील विषारी पदार्थ बाहेर टाकते आणि मेटाबोलिजम वाढवण्यास मदत करते.
लिंबू हा विटामिन सीचा प्रमुख स्रोत आहे. यामुळे शरीरातील पेशींची वाढ आणि विकास होण्याबरोबरच रोगप्रतिकारक शक्ती वाढवण्यासाठीही मदत होते. विटामिन सी लोहाची कमतरता रोखते आणि रक्तदाब व हृदयरोगाचा धोका कमी करते. दिवसभराच्या थकव्यानंतर संध्याकाळी एक कप लेमन आइस्ड टी प्यायल्याने सर्व थकवा तर दूर होतोच पण डिहायड्रेशनची समस्याही उद्भवत नाही.
लेमन आइस्ड टी रेसिपी बनवायला खूप सोपी आहे आणि याचे सेवन नियमित केल्याने वजन वाढण्याची शक्यता कमी असते. चला तर मग जाणून घेऊया लेमन आईस्ड टीची रेसिपी.
साहित्य -
पाणी
चहापत्ती
चवीनुसार साखर
लिंबाचा रस
बर्फाचे तुकडे
प्रक्रिया -
प्रथम एका भांड्यात पाणी गरम करून उकळू द्या.
पाण्याला उकळी आल्यावर गॅस बंद करून त्यात चहाची पाने टाका.
चवीनुसार साखर घालून मिक्स करा.
चहापत्ती ४ ते ५ मिनिटे उकळू द्या.
नंतर त्यात तीन चमचे लिंबाचा रस घाला.
चमच्याने चांगले मिसळा आणि नंतर चाळणीने गाळा.
त्यानंतर चहा थंड होऊ द्या आणि मग फ्रीजमध्ये ठेवा.
सर्व्ह करण्यापूर्वी, चहा एका ग्लासमध्ये घाला आणि त्यात बर्फाचे तुकडे घाला.
तुम्हाला हवे असल्यास वर लिंबाचे तुकडे घालून सर्व्ह करू शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
