Breakfast Recipe: नाश्त्यासाठी बनवा हेल्दी आणि टेस्टी मिक्स्ड व्हेज पराठा, ही आहे सोपी रेसिपी

गरमागरम पराठ्यांचे नाव ऐकताच आपली भूक द्विगुणित होते. तुम्ही अनेक प्रकारचे पराठे खाल्ले असतील. पण आज आम्ही तुम्हाला भाज्यांपासून बनवलेल्या मिक्स व्हेज पराठ्याची रेसिपी सांगणार आहोत. हे पराठे पौष्टिकतेने परिपूर्ण आहेत. जर तुम्हाला मुलांना ब्रेकफास्टसाठी काही हेल्दी फूड द्यायचे असेल तर तुम्ही ते पटकन तयार करून त्यांना खायला देऊ शकता.

मिक्स व्हेज पराठा साहित्य

२ कप गव्हाचे पीठ

१ कप मिक्स व्हेजिटेबल भाज्या (गाजर, वटाणे, फ्लॉवर, बीन्स, शिमला मिरची)

1/2 टीस्पून लाल तिखट

१/२ टीस्पून गरम मसाला

पाणी (आवश्यकतेनुसार)

तूप किंवा तेल (पराठा तळण्यासाठी)

चवीनुसार मीठ

सर्वप्रथम गाजर, फ्लॉवर, बीन्स आणि शिमला मिरची बारीक चिरून घ्या. मटार सोलून घ्या. आता एका मोठ्या भांड्यात २ कप गव्हाचे पीठ, बारीक चिरलेल्या मिक्स भाज्या, १ टेबलस्पून तेल, १/२ टीस्पून लाल तिखट आणि १/२ टीस्पून गरम मसाला एकत्र करा. आता थोडे थोडे पाणी घालून पीठ मळून घ्या.

यानंतर पिठाचे छोटे गोळे करून पराठे बनवा. आता गॅसवर तवा ठेवा आणि त्यावर थोडे तूप किंवा तेल लावा. तवा चांगला गरम झाल्यावर त्यावर पराठा टाका. पराठ्याच्या दोन्ही बाजूंना तूप किंवा तेल लावून ते गोल्डन होईपर्यंत भाजा. उरलेले पराठे त्याच पद्धतीने भाजून घ्या.

आता तुमचे गरमागरम पराठे तयार आहेत. तुम्ही त्यांना गरम चहा, दही किंवा लोणच्यासोबत सर्व्ह करू शकता.