पोषणमूल्याने परिपुर्ण असलेल्या नाचणीकडे आपण कायम दुर्लक्ष करतो. नाचणी हे आपल्याला मोठ्या प्रमाणावर प्रोटीन्स देते. सहसा नाचणीच्या भाकरी, नाचणीचे पापड आपण करतो. पण आज आम्ही तुम्हाला दररोजच्या सकाळच्या नाश्त्याला खाऊ शकणारा नाचणीचा दोसा रेसिपी सांगणार आहे. चला तर जाणून घेऊया. (healthy ragi dosa or nachni dosa check recipe )
साहित्य:
२ वाट्या नाचणीचं पीठ
एक वाटी उडदाची डाळ
१ मोठा कांदा बारीक चिरलेला
३-४ कमी तिखट हिरव्या मिरच्या
अर्धी वाटी बारीक चिरलेली कोथिंबीर
चवीनुसार मीठ
तेल
कृती:
1) उडदाची डाळ भिजत घाला.
2) चार तासानंतर मिक्सरमधून बारीक करा
3) एका भांड्यात बारीक केलेली उडदाची डाळ, नाचणीचं पीठ आणि मीठ घालून पातळ मिश्रण करून आंबवण्यासाठी ठेवा. सकाळी हे पीठ फुगून येईल.
4) दोसे करताना त्यात बारीक चिरलेला कांदा, मिरची आणि कोथिंबीर घाला.
5) तवा गरम करुन त्यावर थोडंसं तेल घाला थोडं पाणी शिंपडा. स्वच्छ कपड्यानं तवा पुसून घ्या. आणि दोसे घाला.
6) लाल रंग येईपर्यंत भाजून काढा.
हा नाचणीचा दोसा तुम्ही तुमच्या आवडत्या चटणीसोबत खाऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
