खाण्यातील स्वाद वाढवायचा असेल तर 'अशी' बनवा 'चिली ऑईल' रेसिपी

औरंगाबाद: भारतात लहान मुलांपासून वृद्धांपर्यंत सगळ्यांचेच चायनीज फूड हे आवडते मेन्यू ठरत आहे. न्यूडल्स, पास्ता किंवा चायनीज स्नॅक्स आवडीने खाणारे खूप जण आहेत. या चायनीज फूडमध्ये भारतीय फ्लेवरही दिसतो. स्वतःच्या अंदाजात खाण्याच्या सवयीमुळे भारतीय फ्लेवर चायनीज फूडमध्ये दिसत आहे. चायनीज फूडसोबत चिली ऑईल (chilli oil) सर्व केले जाते. यामुळे खाण्यात अजून चव येते. बरेच लोक चिली ऑईल दुकानातून आणतात पण जर तुम्ही ते घरीही बनवू शकता. चला तर मग जाणून घेऊया चिली ऑईलची रेसिपी.

चिली ऑयल रेसिपी-

साहित्य-

चिली फ्लेक्स - 1 वाटी

मीठ - 2 चमचे

Sichuan मिरपूड - 4 चमचे

दालचिनी - १

ईलायची - 8

काळी वेलची - १

चक्री फूल - 5

तमालपत्र - 3

तेल - 2 कप

लसूण - 3 (चिरलेला)

आले - 1 तुकडा

- पहिल्यांदा चिली फ्लेक्स एका वाटीमध्ये घ्या आणि त्यात बीया कमी असतील याचे ध्यान ठेवा.

- चिली फ्लेक्सच्या ज्या वाटीत मीठ टाका. व्यवस्थित मीठ मिसळून ती वाटी बाजूला ठेवा.

- आता एका पॅनमध्ये तमालपत्र, Sichuan मिरपूड, दालचीनी, इलायची, काळी इलायची आणि चक्र फूल रोस्ट करून घ्या. हे एक ते दोन मिनीट भाजून घ्या आणि हे करपू नये याची काळजी घ्या.

- भाजल्यानंतर हे मसाले एका वाटीत काढून ठेवा. नंतर पॅन गॅसवर ठेवा आणि त्यात तेल टाका, गॅस मध्यम ठेवा.

- तेल थोडं गरम झाल्यावर त्यात भाजलेले मसाले टाका, त्यासोबत लसून-आले बारीक करून केलेली पेस्ट टाका. तसेच तुम्ही यात आले कापूनही टाकू शकता.

- हे मसाले १० ते १३ मिनीटे शिजवा नंतर त्यात चिली फ्लेक्स व्यवस्थित मिक्स करा.