भाद्रपद शुक्ल एकादशी, शनिवार (ता. २९). गणेशोत्सवातील आठवा दिवस. सध्यस्थितीत ढगाळ हवामान आणि रिमझिम पाऊस असे वातावरण आहे. अशावेळी पचायला हलके आणि शक्तीवर्धक केळीच्या पानावरील पाणगी आपण घरी करायला हवी.
साहित्य : तांदळाचे पीठ. साखर. मीठ. नारळाचे दूध. केळीचे पान.
कृती : एक कप तांदळाचे पीठ घेवून त्यात एक चमचा मीठ घालावे. पाव कप साखर त्यात मिसळावी. मिश्रण एकजीव करावे. नंतर त्यात दोन कप नारळाचे दूध घालून एकजीव करावे. साधारणपणे भज्यांच्या पीठाइतके पातळ करून घ्यावे. गॅसवर तवा तापत ठेऊन त्यावर केळीचे पानाचा तुकडा पसरवणे. त्यावर पीठ नीट पसरावे व वरून पुन्हा परत केळीचे पान ठेवावे. एका बाजूने छान शिजल्यावर परत उलटवणे व दुसरीकडून शिजवून घ्यावे. कमी गोड असे पाणगे तयार होतात.
उपयोग : पाणगे हा पचायला हलका. तत्काळ शक्ती देणारा, थकवा दूर करणारा, रस धातू वाढवणारा, रक्त धातू पोषण करणारा आहे. गरोदर महिला, आजी-आजोबा, मुलांसाठी उत्तम टॉनिक. केशवर्धक आहे. मल साफ करणारा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.