Besan Bread Toast Recipe : नाश्त्यामध्ये बनवा स्वादिष्ट बेसन ब्रेड टोस्ट, एकदम सोपी आहे रेसिपी

Besan Bread Toast Recipe : सकाळच्या नाश्त्यामध्ये खाण्यासाठी बेसन ब्रेड टोस्ट हा एक उत्तम पर्याय आहे. जवळपास प्रत्येक घरात सकाळी नाश्त्यामध्ये काय करायचे? असा प्रश्न अनेकांना पडतो. कधीकधी सकाळी उठायला उशीर होतो. मग, अशावेळी झटपट मात्र, तितकेच हेल्दी बनवण्याचे टेंन्शन असते. अशा परिस्थितीमध्ये तुम्ही बेसन ब्रेड टोस्ट नाश्त्याला बनवू शकता.

या बेसन ब्रेड टोस्टचे खास वैशिष्ट्य म्हणजे ते चवीला स्वादिष्ट असले तरी ते बनवायला अवघे काही मिनिटे लागतात. नाश्त्याशिवाय, तुम्ही मुलांच्या टिफिनला ही हा पदार्थ बनवू शकता. कशी आहे याची रेसिपी? चला तर मग जाणून घेऊयात.

बेसन ब्रेड टोस्ट बनवण्यासाठी लागणारे साहित्य :

• ब्रेड स्लाईस – ६

• १ कप बेसन

• १ कांदा बारीक चिरलेला

• १ टोमॅटो बारीक चिरलेले

• किसलेला १ बटाटा

• लाल तिखट – १ चमचा

• चाट मसाला – अर्धा चमचा

• गरम मसाला – अर्धा चमचा

• बेकिंग सोडा – १ चमचा

• तेल

• चवीनुसार मीठ

बेसन ब्रेड टोस्ट बनवण्याची योग्य पद्धत खालीलप्रमाणे :

• बेसन ब्रेड टोस्ट बनवण्यासाठी सर्वात आधी एका भांड्यात चाळलेले बेसन घ्या.

• आता या बेसनमध्ये लाल तिखट, गरम मसाला, बेकिंग सोडा, चाट मसाला आणि चवीनुसार मीठ घालून चांगले मिसळून घ्या.

• आता यामध्ये थोड थोड पाणी घालून बेसनाचे मिश्रण घट्ट करा.

• या बेसनाच्या पीठात चिरलेला कांदा, किसलेला बटाटा, चिरलेला टोमॅटो घालून मिश्रण चांगल्या प्रकारे मिक्स करून घ्या.

• आता दुसऱ्या बाजूला एका कढईमध्ये मध्यम आचेवर तेल गरम करायला ठेवा.

• तेल गरम झाले की, एक ब्रेडचा स्लाईस घ्या. तो बेसनाच्या मिश्रणात दोन्ही बाजूंनी बुडवून घ्या.

• त्यानंतर, तळण्यासाठी कढईमध्ये ठेवा.

• आता तेलात हा ब्रेड दोन्ही बाजूंनी १-२ मिनिटांसाठी सोनेरी होईपर्यंत तळून घ्या.

• ब्रेड कुरकुरीत तळून झाल्यावर प्लेटमध्ये काढून घ्या.

• नाश्त्यासाठी तुमचा स्वादिष्ट बेसन ब्रेड टोस्ट तयार आहे.

• हिरवी चटणी किंवा टोमॅटो सॉससोबत हा बेसन ब्रेड टोस्ट गरमागरम सर्व्ह करा.