Corn Cheese Sandwich : नाश्त्याला झटपट बनवा स्वादिष्ट कॉर्न चीज सॅंडवीच, एकदम सोपी आहे रेसिपी

Corn Cheese Sandwich : कॉर्न खायला तर सगळ्यांनाच आवडते. कॉर्नपासून विविध प्रकारचे खाद्यपदार्थ बनवले जातात. कॉर्नला मराठीत मका असे म्हटले जाते, या मक्याचे कणीस सर्वजण अगदी चवीने खातात. लहानांपासून ते मोठ्यांपर्यंत सर्वांना कॉर्नपासून बनवलेले विविध पदार्थ जसे की, कॉर्न सूप, कॉर्न पिझ्झा, कॉर्न टोस्ट खायला आवडते.

परंतु, तुम्ही कधी घरच्या घरी कॉर्न आणि चीजचा वापर करून सॅंडवीच बनवले आहे का? जर नसेल बनवले तर आजचा हा लेख शेवटपर्यंत वाचा. सकाळच्या नाश्त्यामध्ये खायला हा एक बेस्ट ऑप्शन आहे. आज आम्ही तुम्हाला कॉर्न-चीज सॅंडवीच कसे बनवायचे? त्याची सोपी रेसिपी सांगणार आहोत. चला तर मग जाणून घेऊयात ही सोपी रेसिपी.

कॉर्न-चीज सॅंडवीच बनवण्यासाठी लागणारे साहित्य

• ब्रेड स्लाईस

• मेयोनीज

• शेजवान सॉस

• १ कांदा

• टोमॅटो

• शिमला मिरची

• कॉर्न – १ वाटीभर

• चीज

• चवीनुसार मीठ

• चिली फ्लेक्स

• ऑरिगॅनो

• बटर

कॉर्न-चीज सॅंडवीच बनवण्याची योग्य पद्धत खालीलप्रमाणे :

• सर्वात आधी सॅंडवीचमध्ये वापरल्या जाणाऱ्या सर्व भाज्या धुवून घ्या आणि तुम्हाला हव्या त्या आकारात बारीक चिरून घ्या.

• त्यांतर, कॉर्न कुकरला उकडून घ्या.

• ही सर्व तयारी झाल्यानंतर, आता एका बाऊलमध्ये सर्व भाज्या, स्वीट कॉर्न, मेयोनीज,शेजवान सॉस, मीठ, चिमूटभर लाल तिखट किंवा काळी मिरी पावडर मिसळा.

• हे सर्व मिश्रण चांगले मिसळून घ्या. आता तुमचे ब्रेडसाठीचे स्टफिंग तयार आहे.

• आता ब्रेडच्या स्लाईसवर हे स्टफिंग लावून घ्या आणि त्यावर चिज किसून घ्या.

• आता गॅसवर तवा गरम करायला ठेवा, या तव्यावर बटर पसरून घ्या आणि त्यावर हे ब्रेड ठेवून १ मिनिटासाठी शिजून घ्या.

• मध्यम आचेवर हे सॅंडवीच चांगले भाजून घ्या.

• तुमचे गरमागरम चीजी कॉर्न सॅंडवीच तयार आहे. आता हे सॅंडवीच नाश्त्याला खायला घ्या.