Healthy Breakfast Recipe : देशात कडाक्याची थंडी सुरू झाली आहे. त्यामुळे, सकाळी नाश्त्यामध्ये गरमागरम पराठा खायला लोकांची पसंती असते. नाश्त्यामध्ये मेथीचे आणि बटाट्याचे पराठे नेहमीच बनवले जातात. मात्र, हिवाळ्यात जर तुम्हाला काही हेल्दी आणि पौष्टिक ट्राय करायचे असेल तर तुम्ही गाजराचे पराठे नक्कीच ट्राय करायला हवेत.
गाजराचे पराठे करण्याची रेसिपी अतिशय सोपी आणि सिंपल आहे. चला तर मग जाणून घेऊयात या टेस्टी आणि हेल्दी गाजर पराठ्याची रेसिपी.
गव्हाचे पीठ २ कप
किसलेले गाजर २
आल्याचा तुकडा
जिरे पावडर
हिरवी मिरची
लाल तिखट
कोथिंबीर बारीक चिरलेली
चवीनुसार मीठ
पांढरे तीळ
आवश्यकतेनुसार तूप
एका मोठ्या भांड्यात गव्हाचे पीठ घ्या. त्यामध्ये थोडे तूप, चिरलेली हिरवी मिरची, कोथिंबीर, तिखट, जीरे-पावडर, मीठ, आल्याचा तुकडा आणि तीळ घाला त्यानंतर शेवटी किसून घेतलेले गाजर घाला.
त्यानंतर, या पीठात थोडे पाणी घालून पीठ चांगले मळून घ्या.
मळून घेतल्यानंतर हे पीठ १५ मिनिटे झाकून ठेवा.
त्यानंतर, गॅसवर पॅन किंवा तवा गरम करायला ठेवा आणि या पीठाचे बारीक गोळे करा.
आता तुम्ही पराठा लाटून घ्या आणि गरम तव्यावर तूप लावून पराठा भाजून घ्या.
टोमॅटो सॉस किंवा चटणीसोबत तुम्ही हा पराठा ट्राय करू शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
