Healthy Breakfast Recipe : ओट्स खाऊन कंटाळा आला? मग, नाश्त्याला बनवा हेल्दी आणि टेस्टी ओट्स डोसा

Oats Dosa Recipe : सकाळच्या नाश्त्यामध्ये अनेक जण ओट्स खाण्याला प्राधान्य देतात. ओट्समुळे आपल्या शरीराचे वजन नियंत्रित राहण्यास मदत होते. शिवाय, ओट्स हे पचायला हलके असतात आणि यात पौष्टिक घटक भरपूर असतात.

त्यामुळे, खास करून वजन कमी करण्यासाठी देखील ओट्सचा आहारात आवर्जून समावेश केला जातो. मात्र, सतत ओट्स खाऊन अनेकांना कंटाळा येतो. आज आम्ही नाश्त्यासाठी झटपट होणारी आणि हेल्दी अशी ओट्स डोश्याची रेसिपी घेऊन आलो आहोत. चला तर मग जाणून घेऊयात ही हेल्दी रेसिपी

ओट्स डोसा बनवण्यासाठी लागणारे साहित्य :

• २ कप ओट्स

• अर्धी वाटी तांदळाचे पीठ

• १ चमचा दही

• चवीनुसार मीठ

• १ चमचा तेल

• ३-४ हिरव्या मिरच्या

• कांदा चिरलेला

• १ चमचा जिरे

• आवश्यकतेनुसार कोथिंबीर

ओट्स डोसा बनवण्याची योग्य पद्धत खालीलप्रमाणे

• सर्वात आधी ओट्स आणि तांदूळ एका भांड्यात भिजवा. हे दोन्ही घटक मऊ झाल्यावर त्यातील पाणी काढून टाका आणि बाजूला ठेवा.

• आता ओट्स आणि तांदूळ मिक्सरमधून बारीक करून घ्या. हे बारीक करताना त्यात पाणी घालू नका.

• आता बारीक केलेल्या बॅटरमध्ये चवीनुसार मीठ, हिरवी मिरची, कांदा आणि इतर साहित्य घालून चांगले मिक्स करा.

• गॅसवर पॅन ठेवून त्यात १ चमचा तेल आणि जिरे घाला.

• हे जिरे तडतडल्यावर त्यात डोश्याचे बॅटर घालून डोसा पसरवा. १ मिनिटांपर्यंत शिजल्यावर डोसा उलटा करा.

• डोश्याच्या दोन्ही बाजू हलक्या सोनेरी झाल्यावर तुमचा डोसा प्लेटमध्ये काढून घ्या.

• आता, तुमचा हेल्दी ओट्स डोसा तयार आहे. सांबर किंवा नारळाच्या चटणीसोबत मस्त सर्व्ह करा.