उन्हाळा म्हणजे आंब्याचा सिझन. आंबा म्हटलं की आमरस, आंबा पोळी, आंबा बर्फी हे आलंच. हे सगळं तुम्ही घरी बनवलं असेल, पण तुम्हाला माहित आहे का तुम्ही आंबा पेढाही घरी बनवू शकता. कसं? जाणून घ्या सोपी रेसिपी.
साहित्य
तीन ते चार कप मँगो प्युरी
तीन ते चार कप मिल्क पावडर
१० ते १२ बदाम
३ चमचे तूप
पाव कप साखर
वेलची पूड
पिस्ता
चांदीचा वर्ख
फूड कलर थोडासा
चिमूटभर केसर
तीन ते चार कप कन्डेन्स्ड मिल्क
कृती
तूप एका भांड्यामध्ये गरम करून घ्या.
त्यानंतर कन्डेन्स्ड मिल्क व मिल्क पावडर टाका आणि घट्ट होईपर्यंत मंद आचेवर शिजवून घ्या.
तयार झाल्यानंतर एका ताटात काढून घ्या.
दुसऱ्या एका भांड्यामध्ये तूप गरम करून घ्या.
त्यामध्ये मँगो प्युरी, केसर, वेलची पूड टाका आणि पुन्हा गरम करा.
जेव्हा व्यवस्थित शिजेल तेव्हा त्यात कन्डेन्स मिल्क, मिल्क पावडरचं मिश्रण टाका.
हे सगळं व्यवस्थित मिक्स करून घ्या. घट्ट झाल्यावर एका ताटात काढून घ्या.
हे मिश्रण थंड झाल्यावर नीट पेढ्याच्या आकारात वळून घ्या.
पेढ्यांच्या सजावटीसाठी केशर, पिस्ता, चांदीचा वर्ख वापरा.
त्यानंतर हे पेढे फ्रिजमध्ये सेट होण्यासाठी ठेवा आणि त्यानंतर तुम्ही हे खाऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.