Healthy Breakfast Recipe : हिवाळ्यात नाश्त्यामध्ये बनवा हेल्दी आणि टेस्टी पालक पुरी, एकदम सोपी आहे रेसिपी

Healthy Breakfast Recipe : सकाळच्या नाश्त्यामध्ये काही हेल्दी ऑप्शन्स जर तुम्ही शोधत असाल तर पालक पुरीसारखा हेल्दी ब्रेकफास्ट तुम्हाला शोधून मिळणार नाही. हिवाळ्यात तर पालक पुरी आवर्जून खाल्ली जाते.

पालक आपल्या आरोग्यासाठी अतिशय फायदेशीर आहे. पालकमध्ये मोठ्या प्रमाणात पोषकघटकांचा समावेश आढळून येतो. पालक पुरी ही बनवायला अतिशय सोपी आहे. चला तर मग आज जाणून घेऊयात पालक पुरी बनवण्याची सोपी रेसिपी.

पालक पूरी बनवण्यासाठी लागणारे साहित्य खालीलप्रमाणे :

• ३ कप पालक चिरलेली

• २ कप गार पाणी

• ३ कप गरम पाणी

• हिरवी मिरची चिरलेली

• आलं

• २ कप गव्हाचे पीठ

• ओवा

• आवश्यकतेनुसार तेल

• चवीनुसार मीठ

• कोथिंबीर

पालक पुरी बनवण्याची योग्य पद्धत खालीलप्रमाणे

• सर्वात आधी एक मोठे भांडे किंवा खोलगट पॅन घ्या.

• त्यात ३ कप गरम पाणी घाला आणि त्यात चिरलेली पालक मिसळा.

• पालक मऊ होईपर्यंत त्या गरम पाण्यात शिजू द्या.

• त्यानंतर, एका परातीमध्ये गव्हाचे पीठ घ्या.

• या पीठात पालकाची मऊ पाने, मिरच्या, कोथिंबीर, आलं, ओवा आणि मीठ घाला.

• नंतर, या मिश्रणात २ कप गार पाणी घालून पीठ चांगले मळून घ्या.

• पीठ चांगले एकजीव करून झाले की, १५ मिनिटांसाठी पीठ सेट व्हायला झाकून ठेवा.

• त्यानंतर, पीठाचे गोळे बनवून घ्या आणि दुसऱ्या बाजूला कढईत तेल गरम करायला ठेवा.

• आता पुऱ्या लाटून घ्या आणि तेलात सोडा.

• दोन्ही बाजूंनी पुऱ्या सोनेरी होईपर्यंत तळून घ्या.

• आता तुमची गरमागरम पालक पुरी तयार आहे. चटणीसोबत किंवा सॉससोबत सर्व्ह करा.